Latest News & Updates
Page 19 of 2No news articles available yet.
Announcements
Page 1 of 1No announcements available at this time.
Serikali ya Mapinduzi ya Zanzibar
Wizara ya Elimu na Mafunzo ya Amali
BODI YA HUDUMA ZA MAKTABA ZANZIBAR
ZLSB Media Centre
News & Updates
Stay informed with the latest news, announcements, events and updates from the Zanzibar Library Services Board.
10 News Articles
1 Announcements
Updated Daily
UWASILISHAJI WA BAJETI YA WEMA KATIKA BARAZA LA WAWAKILISHI
May 15, 2026
Mkurugenzi wa Bodi ya Huduma za Maktaba, Dkt. Ulfat A. Ibrahim akiwa na viongozi wengine kutoka Wizara ya Elimu na mafunzo ya Amali hapo Baraza La Wawakilishi viwanja vya Chukwan Mjini Ungujai, katika UWASILISHWAJI WA BAJETI YA ELIMU KWA MWAKA WA FEDHA 2026/27, ikiwa leo ni siku ya kwanza kwa uwasilishwaji wa Bajeti hiyo ya Elimu iliyowasilishwa na Waziri wa Elimu na Mafunzo ya Amali, Mhe. Lela M. Mussa.\\r\\n\\r\\nImetolewa katika Kitengo Cha Uhusiano Bodi Ya Huduma Za Maktaba Zanzibar \\r\\nBOHUMAZA
LEO KUHUSU KONA YA WATOTO
March 4, 2026
Katika muendelezo wa kipindi cha Kutoka Maktaba kinachorushwa katika Kituo cha habari katika Elimu Kwarara, kila siku ya Jumatano kuanzia saa 2:00 Asubuhi mpaka saa 3:00. Leo Mkuu wa divisheni ya huduma za Maktaba Nd. Ramadhan Said Yussuf kutoka Bodi ya Huduma za Maktaba Zanzibar, alifanya mazungumzo kwa lengo la kutoa Elimu kuhusu programu ya kona ya watoto inayosimamiwa na Bodi ya Huduma za Maktaba Zanzibar Aidha jamii ya wasikilizaji walihamasika kupata Elimu kuhusiana na programu ya watoto, hivyo walipatiwa fursa ya kuuliza maswali mbali mbali kwa kupata ufafanuzi na uelewa zaidi. Imetolewa katika Kitengo Cha Uhusiano - Bodi Ya Huduma Za Maktaba Zanzibar BOHUMAZA
PROGRAMU YA SKULI
March 4, 2026
📍 BODI YA HUDUMA ZA MAKTABA ZANZIBAR Leo Tarehe 04/03/2026. Ikiwa ni muendelezo wa programu za ziara za skuli zinazofanyika Maktaba Kuu Maisara Zanzibar, imepokea ujio wa wanafunzi kutoka skuli ya Msingi Rahaleo Mjini Unguja. Lengo la ziara yao ni kuja kujiongezea maarifa kuhusiana na dhana nzima ya maktaba kwa vitendo, umuhimu wa kuzitumia Maktaba mapema, pia kujenga uzowefu na utamaduni wa kupenda kusoma wakiwa katika umri mdogo, kufahamu kuhusu chumba cha rejea pamoja na utendaji wake. Vile vile kupitia ziara yao walijifunza shuhuli zinazofanywa kila siku ikiwemo namna ya kufaili magazeti, kuangalia namna gani watumiaji wa maktaba wanavyo azima na kurudisha vitabu, pamoja na kuwajuilisha programu zote zinazoendeshwa hapo. Imetolewa na Kitengo cha Uhusiano Bodi ya Huduma za Maktaba Zanzibar.
BAJETI YA FEDHA YA BOHUMAZA KWA MWAKA WA FEDHA 2026/2027
March 3, 2026
Mkurugenzi wa Bodi Ya Huduma Za Maktaba Zanzibar Daktar Ulfat A. Ibrahim, akiongoza kikao kazi cha maandalizi ya bajeti ya mwaka wa fedha wa 2026/2027 ya Bodi ya Huduma ya Maktaba Zanzibar hapo katika Ofisi zao Maisara, kikao hicho kiliwashirikisha watendaji wakuu na viongozi wa kila kitengo na divisheni kutoka Unguja na Pemba.\\\\r\\\\n\\\\r\\\\nImetolewa katika Kitengo Cha Uhusiano - Bodi Ya Huduma Za Maktaba Zanzibar \\\\r\\\\nBOHUMAZA
KIKAO NA MIX BY YAS COMPANY
February 24, 2026
BODI YA HUDUMA ZA MAKTABA ZANZIBAR 📍MAISARA🗓️ 23/02/2026 Watendaji wa Bodi ya Huduma za Maktaba Zanzibar (BOHUMAZA) wamekutana na watendaji wa Mixx By Yas kwa lengo la kujadili na kufikia makubaliani ya ushirikiano katika utendaji wa kazi zao.Lengo kuu la mkutaniko huu ni kwa ajili ya kujadiliana namna gani ya kurahisisha upatikanaji wa huduma za maktaba kupitia kampuni hii na kuimarisha ushirikiano kati ya taasisi hizo mbili. Ushirikiano huu unatarajiwa kuwezesha wananchi kupata huduma za maktaba kwa urahisi zaidi, pamoja na kuongeza ufanisi katika utoaji wa huduma hizo. BOHUMAZA na Mixx By Yas wamelenga kufanya kazi pamoja katika maeneo kama vile kubadilishana taarifa, kutoa huduma za maktaba kwa jamii kupitia mitandao ya Mixx By Yas, na kuandaa programu za elimu kwa jamii. Imetolewa Katika Kitengo Cha Uhusiano - Bodi Ya Huduma Za Maktaba Zanzibar BOHUMAZA #maktabakisimachamaarifa
ZIARA YA NAIBU WAZIRI, MAKTABA KUU ZANZIBAR
January 27, 2026
Naibu Waziri wa Elimu na Mafunzo ya Amali Zanzibar, Mheshimiwa Khadija Salum Ali, amewataka watendaji wa Bodi ya Huduma za Maktaba Zanzibar kuendelea kujituma na kufanya kazi kwa bidii huku wakizingatia kanuni, sheria na miongozo ya utumishi wa umma. Ameyasema hayo leo, 27 Januari 2026, alipokuwa katika kikao kazi na watendaji wa Bodi ya Huduma za Maktaba kilichofanyika katika ukumbi wa mikutano wa taasisi hiyo, Maisara, Mkoa wa Mjini Magharibi Unguja.Amefahamisha kuwa utendaji wa kazi kwa ufanisi ndio chachu ya kufanikisha utekelezaji wa Ilani ya Chama Cha Mapinduzi, unaoendana na Dira ya Maendeleo ya Zanzibar ya mwaka 2050 pamoja na maagizo ya Mheshimiwa Rais wa Zanzibar na Mwenyekiti wa Baraza la Mapinduzi. Aidha Naibu Khadija amewashauri watendaji hao kukitumia Kituo cha Habari cha Elimu kwarara (KMEC) kilichopo chini ya Wizara, kuandaa vipindi mbalimbali kwa lengo la kujitangaza na kutoa elimu kuhusu huduma za maktaba, ili kuongeza mwamko kwa jamii. Kwa upande wake, Naibu Katibu Mkuu (Utawala), Ndugu Amos John Henock, amesema maktaba ni kiungo muhimu katika kuzalisha elimu bora na wataalamu wenye viwango. Hivyo amewataka kuendelea kutoa huduma za maktaba katika skuli mbalimbali kwa ufanisi zaidi ili kuwajengea wanafunzi maarifa. Aidha, ametoa wito kwa watendaji kuwa wazalendo na kuendelea kufanya kazi katika vitengo vyao, hasa baada ya kupokea mafunzo, badala ya kukimbilia taasisi nyingine. Naye Mkurugenzi wa Bodi ya Huduma za Maktaba, Dkt. Ulfat A. Ibrahim, ameishukuru Serikali kwa kutenga bajeti ya shilingi milioni mia tano kwa ajili ya huduma za maktaba, ikiwemo ununuzi wa vitabu vya ndani, hatua hiyo inasaidia kuinua waandishi wa ndani kwa kusambaza kazi zao na kujikwamua kiuchumi. Hata hivyo, ameiomba Wizara pamoja na Serikali kuongeza bajeti katika miaka ijayo na kuongeza watendaji, wakiwemo wakutubi, maafisa manunuzi pamoja na wataalamu wa Teknolojia ya Habari na Mawasiliano (TEHAMA), ili kuendesha maktaba kidijitali na kuendana na kasi ya mabadiliko ya elimu nchini. Nao watendaji wa bodi hiyo wameishukuru Wizara ya Elimu kwa sapoti kubwa wanayoendelea kuipata na kuwasilisha mafanikio pamoja na changamoto zao kwa lengo la kuongeza ufanisi katika utekelezaji wa majukumu yao. Imetolewa na kitengo cha Habari, Mawasiliano na Uhusiano (WEMA) na Bodi Ya Huduma Za Maktaba Zanzibar (BOHUMAZA)
KIKAO CHA VIONGOZI (WEMA)
January 24, 2026
BODI YA HUDUMA ZA MAKTABA ZANZIBAR -📍MAZIZINI. Mkurugenzi wa Bodi ya Huduma za Maktaba Zanzibar, Dkt. Ulfat A.Ibrahim pamoja na viongozi wengine wa Wizara ya Elimu na Mafunzo ya amali, wakiwa katika Kikao Kazi cha pamoja cha kujadili masuala ya kimkakati yanayohusu uimarishaji wa uendeshaji na maendeleo ya Sekta ya Elimu Zanzibar. Kikao hicho kimefanyika leo tarehe 23 Januari 2026 katika Ukumbi wa Mikutano wa Wizara Elimu Mazizini - Unguja. Imetolewa na Kitengo Cha Uhusiano - Bodi Ya Huduma Za Maktaba Zanzibar. (BOHUMAZA)
Ufunguzi wa Skuli mpya ya Makunduchi
January 10, 2026
Makamu wa Rais wa Jamhuri ya Muungano wa Tanzania Mhe.Balozi Dkt. Emmanuel Nchimbi akipokea maelezo kutoka kwa Mkurugenzi wa Bodi Ya Huduma Za Maktaba Zanzibar, Dkt. Ulfat A. Abdul-Aziz katika ufunguzi wa skuli ya Sekondari Makunduchi.
PROGRAMU YA IJUMAA
January 9, 2026
BODI YA HUDUMA ZA MAKTABA ZANZIBAR 🗓️ 09/01/2026 . 📍 MAISARA Katika kuendeleza program ya kona ya watoto ambayo hufanyika kila siku ya Ijumaa. Bodi ya Huduma za Maktaba Zanzibar, ambapo leo ikiwa ni wiki ya Maswala ya Afya na Usalama, wasimamizi wetu kwa mashirikiano na watabibu wetu kutoka Kituo cha Afya Red Cross Society, wenye ofisi zao katika Hospital ya Kidongo Chekundu Mental Bibi, Zulfa M. Khamis, waliandaa taaluma ya afya na usalama inayohusu hatua salama za ukoshaji wa mikono kwa kujiepusha na majanga ya maradhi mbali mbali. Lengo la kuandaa taaluma hiyo ni kwa ajili ya kuwajenga watoto namna gani wanapaswa kujilinda na majanga yoyote mabaya kiafya. Aidha kupitia Elimu hiyo watoto walipata nafasi ya kuuliza maswali, na walifurahishwa sana na program hiyo Imetolewa katika Kitengo cha Uhusiano - Bodi Ya Huduma Za Maktaba Zanzibar BOHUMAZA #maktabakisimachamaarifa
Makubaliano ya Utekelezaji wa Mradi wa Usomaji na Maktaba
July 25, 2025
Wizara ya Elim na Mafunzo ya Amali Zanzibar imetitiliana saini Makubaliano ya Utekelezaji wa Mradi wa Usomaji na Maktaba na Mradi wa Usawa wa Kijinsia kwa Ushirikiano kati ya Wizara ya Elimu na Mafunzo ya Amali Zanzibar na Shirika la Room to Read, katika Ukumbi wa Mikutano wa Wizara ya Elimu Mazizini - Unguja.
Asante Sana!
Pendekezo lako limepokelewa. Tutaangalia upatikanaji wa kitabu hiki na kuongeza kwenye maktaba zetu haraka iwezekanavyo.
Thank you for helping us grow our collection!
